石垣島浮潛的體驗 (香港話)

發表於: 2017/07/01

今次參加咗石垣島浮潛本地團， 原本沒有太大的期望，起初都擔心純粹係啲水度浮下浮下， 點知去到， 簡直好大驚喜， 唔單只有淺水區嘅珊瑚， 好多珊瑚魚，游到咁上下突然見到水底（唔知係咪岩石） 裂開左，我哋跟住條裂痕一路游，望落去竟然有5，6層樓咁高嘅另一個水底，俾到我哋一個好大嘅驚喜， 嗰種感覺好似睇緊戲咁。 好多好大條嘅深水魚同好似假嘅珊瑚，我仲見到 jellyfish， 簡直唔捨得走。

之後轉場去幻島， 喺船上面食咗個便當， 坐船去一個沙洲影咗一陣靚相，之後， 再去珊瑚區餵魚， 見到好多Mo仔。 回程返去仲送埋我哋返酒店，個日籍女教練識少少廣東話粗口，我讚佢靚女佢竟然對住我講(仆街啦你)，笑到唔停得口。