好開心冇語言障礙,廣東話,國語, 溝通好親切,出海親眼觀座頭鯨

發表於: 2018/03/26

好開心可以出海親眼觀座頭鯨, 出發前一天觀鯨公司,好細心將confirmation letter送去我哋個酒店房間度,當天一早就出車來酒店接我哋去睇鯨魚,坐船出海真係好興奮,帶上彩色手環, 船比想像中好新淨,同埋幾大隻船,負責人教我哋點樣去穿救生衣, 清楚細心講解點樣去睇鯨魚,注意嘅事項.

好開心,我哋完全冇語言障礙,最緊要係講廣東話同埋國語㗎, 溝通好親切, 因為始終日本語言不通係好麻煩嘅,一艘船上嚟竟然有四至五個工作人員去照顧我哋幾十人, 比例實在係好好呀, 同埋好細心會照顧我哋嘅需要, 又幫我哋影相喎, 所以好開心啊.

船開到海中心, 見好多隻船喺埋一齊, 大家都好興奮雀躍坐到最前頭,負責人會清楚指示鯨魚出沒嘅方向,會駛向去追隻鯨魚,當然唔可以太近,因為有危險,所以要保持一定距離, 務求睇到鯨魚嘅廬山真面目,我地今次好幸運呀, 我哋見到一對母子嘅座頭鯨,原來小鯨魚需要每5分鐘就上浮上水面一次,不時見到佢噴水啦,抖氣啦,擺尾,浮上水面,母鯨魚通常都會喺附近嘅, 佢會浮上出水面啦, 仲擺出唔同嘅動作,可能係要教識鯨魚bb點樣去做呢度動作,所以負責人話我哋見到好多平時唔會見到個動作啦, 甚至竟然母鯨成個頭沖出水面呀, 大家好震撼呀...大料聲叫喊....同埋母鯨好大呀,同我哋隻船差唔多size,所以如果比佢撞到, 隻船真係會返啊 .....如果唔係比前面三首船阻住個視線,再近一些, 相信睇到嘅畫面會更加震撼, 更加難以形容....

中心件T卹都幾靚,如果前面嗰design可以再強調多鯨魚嘅嘅樣, 會更加好睇,因為始終背面唔係人人都睇到.好多時間前面為重要啲, 開車送我哋去指定地方下車, 真係好開心 !!!