友善欣勤的導師，充實的課程，浴室廁所儲物櫃等設施都好新同整潔。十分推薦，西表島的行程非常豐富，建議多花幾天在西表島上。

發表於: 2019/06/09

小弟平時係香港都有行開山，所以今次報左個比較長既活動，930開始集合-1600解。一開始約10分鐘既獨木舟基本教學後便開始實戰，紅樹林非常寧靜和廣闊，都容易上手，大家可以好好享受悠閒既時光。
之後就開始上山啦，要登上pinaisara瀑布頂大約要45分鐘，中途導師會分享沿路既動植物知識，而且導師十分健談，中英日三語齊下同大家傾計。
導師會不斷留意同行既體力，所以唔會太趕急。
到左頂後導師會去準備午餐，連同用餐時間大約會有40分鐘既大休時間，可以影下風景同玩下水。
之後就會沿路落山再睡經第2條路去到岩岩瀑布既底部，大約40+20分鐘，到底瀑布低後又係一番拍照嬉水，同埋茶點時間。最後沿路離開，番到紅樹林再撐一輪獨木舟就回到起點。
西表島上既活動非常多，今次報既行程只係其中一條河既活動，如果大家有時間不妨係島上住幾日，好好感受下大自然。