西表島上山下海一日遊「奸爸爹架呢~」

發表於: 2018/10/24

10月22日出發，導遊Star生表示藍天白雲的天氣已經係Long Time No See XD我地非常好彩，連埋Star生一行共有6人，首先用左大概15分鐘講解獨木舟的操作，之後就開始行入樹林，5分鐘左右就到達獨木舟上舟位，沿途風景超美，超寫意，亦都唔擔心跌落水

上岸之後就用左大概大半個鐘上山，沿路Star生都有介紹D植物，見到蛙又見到龜等等，如果見埋山貓就非常之好彩，爆完一輪上山，終於都抵達瀑布山頂，非常正~影到唔少相，然後Star生同另外一團的導遊一齊煮左餐八重山麵俾D團友食，聽住流水聲親近大自然咁享用午餐別有一番風味

食飽飽就繼續旅程，沿路落返山，腳部肌肉都有少許反應XD，本以為落到去上獨木舟位置後就划返去，原來都有個大驚喜，就係入埋去瀑布山腳底，雖然代價係要行多一段令人想放棄的路程，嘩~不過入到去只可以話比起山頂上面，更加喜愛呢個瀑布位，團友可以自行選擇游唔游水，我地倆個唔識游無落水但都絕無悶場，反而係唔夠時間影相，值得一讚係Star生有準備熱茶同菓子俾團友，的確係窩心之舉

玩完一輪就沿路折返，再獨木舟划返去起點位，要再讚多次沿途風景超靚，超寫意，真係唔捨得咁快划完，返到起點就車返去沖個身換件衫整個旅程就完結

最後想讚一下Star生，風趣幽默令到整個行程都喺好愉快的情況下渡過，同埋Star生的英文唔錯，令到溝通上唔洗只係用日文XD

Pikachu~~~